धाराशिव जिल्ह्यातील परांडा तालुक्यात १३१ नागरीक पुराच्या पाण्यात अडकले होते. प्रशासनाने तत्काळ हेलिकॉप्टरच्या सगळ्यात मोठं रेस्क्यू ऑपरेशन राबवून सर्व नागरिकांना सुरक्षितस्थळी हलवण्यात आले. देवगावातील ३४, नरसाळीत २२, वडनेरमध्ये २५, ढगपिंपरीतील १३, रुई चार दुधीतील १३ तर खासगाव कुंभार वस्तीत २० नागरिक अडकले होते. अचानक आलेल्या पुरामुळे गावात भीतीचं वातावरण निर्माण झालं होतं. जिल्हा प्रशासन, एनडीआरएफ आणि स्थानिक बचाव पथकांच्या संयुक्त प्रयत्नांतून सर्वांना सुरक्षित बाहेर काढण्यात यश आलं. मात्र अजून काही जण पुराच्या पाण्यात अडकले असल्याची माहिती जिल्हाधिकाऱ्यांनी दिलीय. पुढील बचावकार्य वेगानं सुरू असून प्रशासनानं नागरिकांना सतर्क राहण्याचं आवाहन केलं आहे.