धाराशिवमध्ये मराठा आंदोलक आक्रमक झाले आहे. जिल्हाधिकारी कार्यालयात स्वत:ला कोंडून घेत आंदोलकांनी आंदोलन सुरू केलेलं आहे. मनोज जरांगे पाटील यांच्या पोषणानंतर आता मराठा आंदोलक आक्रमक झालेले बघायला मिळत आहेत. धाराशिवच्या जिल्हाधिकारी कार्यालयात घुसून आता आंदोलन केलं जात आहे. यावेळी जिल्हादंडाधिकारी यांच्या कार्यालयात घुसून स्वत:ला कोंडून घेत आंदोलकांनी घोषणाबाजी सुरू केली आहे. मनोज जरांगे पाटील यांच्या आंदोलनाची ५ वाजेपर्यंत दखल न घेतल्यास जिल्हाधिकारी कार्यालयात सामुहीक आत्मदहन करणार असल्याचा इशारा आंदोलकांनी दिला आहे. गेल्या तीन तासांपासून मराठा आंदोलकांनी कोंडून घेतलेलं आहे. तर जिल्हाधिकारी सचिन ओंबासे कार्यालया बाहेर उपस्थित असून आंदोलकांशी संवाद साधण्याचा प्रयत्न करत आहेत. याठिकाणी पोलीस देखील हजर झालेले आहेत.