Dhairyasheel Mohite Patil | माझ्यात आणि रणजितसिंह नाईक निंबाळकर यांच्यात एकमेकांच्या अर्जावर हरकत घ्यायचे नाही असे ठरले होते. मात्र त्यानंतर निंबाळकर यांनी रडीचा डाव खेळला अशी टीका धैर्यशील मोहिते पाटील यांनी भाजप उमेदवार रणजितसिंह नाईक निंबाळकरांवर केलीय. धैर्यशील मोहिते पाटील हे शरद पवार गट माढा लोकसभेसाठीचे उमेदवार आहेत. रणजितसिंह नाईक निंबाळकरांवर टीका करताना धैर्यशील मोहिते पाटील म्हणाले, "ही निवडणूक आहे विरोधकांनी रणांगणात निवडणूक खेळली पाहिजे. दुसऱ्याच्या नावाने अर्ज देऊन रडीचे डाव खेळले नाही पाहिजेत. उमेदवारीवर ऑब्जेक्शन घेणे म्हणजे मैदान सोडल्यासारखं वाटतं. विरोधकांनी प्रत्येक गोष्टीवर रडत बसायचं म्हणजे अवघड आहे. लोकसभेच्या मैदानात खेळण्यासाठी मी पूर्णपणे सज्ज आहे."