बारामती विमान अपघातानंतर कडक पावले उचलण्यात आली आहेत. रेडबर्ड एअरवेजसह १४ ऑपरेटर्सचे विशेष ऑडिट करण्यात आले. २ फेब्रुवारी रोजी बारामती येथे झालेल्या विमान अपघातानंतर नागरी विमान वाहतूक महासंचालनालयाने चार्टर्ड विमान कंपन्यांवर कठोर कारवाई करत विशेष ऑडिटचे आदेश दिले आहेत. या कारवाईच्या पहिल्या टप्प्यात एकूण १४ ऑपरेटर्स जे चार्टर विमान आणि हेलिकॉप्टर सेवा देतात यांचे ऑडिट करण्यात आल्याचे सांगण्यात आलं आहे. याच प्रक्रियेत रेडबर्ड एअरवेज प्रायव्हेट लिमिटेडचे देखील विशेष ऑडिट पूर्ण झाले आहे. हे ऑडिट DGCA च्या तीन सदस्यीय टीमद्वारे करण्यात आल्याची माहिती समोर आली आहे. दरम्यान, बारामती विमानतळाजवळ राज्याचे दिवंगत उपमुख्यमंत्री अजित पवार यांचे विमान कोसळले होते. या विमान अपघातामध्ये अजित पवारांसह ५ जणांचा मृत्यू झाला होता. या विमान अपघाताचा तपास केला जात आहे. हा अपघात नेमका कशामुळे झाला यामागचे कारण अद्याप समोर आले नाही.