मराठवाड्यातील दुष्काळावरून मुख्यमंत्री देवेंद्र फडणवीस आणि ठाकरेसेनेचे पक्षप्रमुख उद्धव ठाकरेंमध्ये जुंपलीय. मराठवाड्यातील पुढची पिढी दुष्काळ पाहणार नाही असं मराठवाडा मुक्तिसंग्राम दिनाच्या कार्यक्रमात बोलताना फडणवीस म्हणालेत. त्यावर फडणवीस तुमचा भाजप पुढची सत्ता पाहणार नाही अशा शब्दांत उद्धव ठाकरेंनी समाचार घेतलाय.

मराठवाड्यातील या पिढीने दुष्काळ पाहिला आहे. पण पुढच्या पिढीला आपल्याला दुष्काळ पाहू द्यायचा नाही हा संकल्प आपण केला आहे. त्या दिशेने आपली वाटचाल सुरू आहे. लवकरच तो दिवस पाहायला मिळेल. ज्या दिवशी छत्रपती संभाजीनगरात प्रत्येक घरी दररोज पिण्याचे पाणी येईल, त्या दिशेने आपली वाटचाल वेगाने सुरू झाली आहे, असे मुख्यमंत्री फडणवीस म्हणाले. त्यावर ठाकरे यांनी उत्तर दिले आहे. पुढची पिढी दुष्काळ बघणार नाही, असे मुख्यमंत्री सांगत आहेत, पण जोपर्यंत मराठवाडा ठरवत नाही की फडणवीस तुमचा भाजप पुढच्या निवडणुकीनंतर सत्ता बघणार नाही, तेव्हा ते कुठे आतापासून कामाला लागतील, असं ठाकरे म्हणाले.