महाराष्ट्र लोकसेवा आयोगाच्या (MPSC) पेपरफुटी प्रकरणावरून राजकारण चांगलंच तापलं आहे. या प्रकरणाच्या पार्श्वभूमीवर संसदेबाहेर विरोधकांनी जोरदार निदर्शनं करत सरकारविरोधात घोषणाबाजी केली. "देवेंद्र फडणवीस राजीनामा द्या" अशा घोषणा देत विरोधकांनी राज्य सरकारला घेरण्याचा प्रयत्न केला. संसदेबाहेर झालेल्या या आंदोलनात महाविकास आघाडीचे खासदार सहभागी झाले होते. हातात फलक घेऊन आणि सरकारविरोधी घोषणा देत त्यांनी MPSC पेपरफुटी प्रकरणाचा तीव्र निषेध व्यक्त केला. "पेपर फोडणाऱ्या सरकारचा निषेध असो", "विद्यार्थ्यांच्या भविष्याशी खेळ करणारे सरकार हद्दपार झाले पाहिजे" अशा घोषणांनी परिसर दणाणून गेला. लोकसभेचे अधिवेशन सुरू झाल्यापासून अजून एक दिवसही दोन्ही सभागृहामध्ये कामकाज पार पडले नाही. नीट पेपरफुटीच्या आंदोलनात आंदोलकांवर लाठीचार्ज झाल्याने विरोधकांनी यावर चर्चा करण्याची मागणी केली आहे.