भाजपच्या गटनेतेपदी देवेंद्र फडणवीस यांच्या नावावर शिक्कामोर्तब करण्यात आलं आहे. भाजपने त्यांचा नेता ठरवला असून आज अखेर गटनेता म्हणून देवेंद्र फडणवीस यांचं नाव जाहीर करण्यात आलं आहे. बुधवारी विधानभवनात भाजपा आमदारांची बैठक पार पडली. या बैठकीत हा निर्णय घेण्यात आला आहे.

महाराष्ट्र विधानसभा निवडणुकीच्या निकालानंतर 11 दिवसांनी आज भाजपची कोअर कमिटीची बैठक पार पडली. या बैठकीत भाजपच्या विधिमंडळ पक्षाच्या गटनेतेपदी देवेंद्र फडणवीस यांच्या नावाची घोषणा करण्यात आली आहे. विधीमंडळ पक्षाचा नेता निवडीसाठी भाजपचे केंद्रीय निरीक्षक विजय रुपाणी आणि निर्मला सीतारामन यांच्या उपस्थितीत ही बैठक झाली.

दरम्यान, आज दुपारी महायुतीमधील नेते राज्यपालांना भेटून सरकार स्थापनेचा दावा करणार असून 5 डिसेंबरला सायंकाळी 5 वाजता मुंबईच्या आझाद मैदानावर नव्या सरकारचा शपथविधी होणार आहे.

Edited By Rakhi Rajput