नीट पेपरफुटीप्रकरणी धर्मेंद्र प्रधान यांनी राजीनामा दिला आहे. त्याचवेळी मुख्यमंत्री देवेंद्र फडणवीस हे दिल्लीला रवाना झाले. एकनाथ शिंदेही दिल्लीला जात असल्याची माहिती सूत्रांनी दिली. फडणवीस आणि शिंदे हे अमित शहांची भेट घेणार असल्याचे सांगण्यात येत आहे. एकीकडे प्रधान यांच्या राजीनाम्यानंतर नवे शिक्षणमंत्री कोण होणार अशी चर्चा सुरू असतानाच, संजय राऊतांनी खळबळ उडवून देणारा दावा केला आहे. धर्मेंद्र प्रधान हे नवे केंद्रीय शिक्षणमंत्री होऊ शकतात, असा दावा राऊत यांनी केला आहे.

कदाचित मला असे वाटते की, धर्मेंद्र प्रधान यांच्या राजीनाम्यानंतर नवे केंद्रीय शिक्षण मंत्री म्हणून फडणवीस यांना संधी मिळू शकते. कारण ते वकील आहेत, शिक्षित आहेत. अनेक विषय मांडत असतात. मला ही शक्यता जास्त वाटते. केंद्रात जाण्याबाबत अनेक चर्चा होत्या. आता योगायोग आला. मंत्रिपद रिक्त झालं. आता फडणवीसांना संधी मिळू शकते, असे राऊत यांनी प्रसारमाध्यमांना सांगितले.