मुख्यमंत्री देवेंद्र फडणवीस यांची आज नाशिकमध्ये सभा पार पडली. या सभेमध्ये त्यांनी राज आणि उद्धव ठाकरे यांच्यावर जोरदार प्रहार केला. दोन दिवसांपूर्वी ठाकरे बंधुंची नाशिकमध्ये सभा पार पडली होती. यावेळी राज ठाकरेंनी दत्तक नाशिकवर फडणवीसांना लक्ष केले होते. यालाच प्रतिउत्तर देत फडणवीस म्हणाले, निवडणूक आल्यावर ठाकरे बंधू नाशिकला येतात. निवडणूक पर्यटन करणारी ही लोकं आहे. नाशिकचे माझे नाते तेच आहे, कालही होत आजही आहे आणि उद्याही राहील असा विश्वास त्यांनी यावेळी दिला. पुढे ते म्हणाले, कुंभमेळा आला तेव्हा ठाकरेंनी हातवर केले होते. त्यावेळी राज्य सरकारने पैसे दिले होते, कुंभमेळा निर्विघ्न पार पडला, एकाचाही मृत्यू झाला नव्हता. कुंभमेळ्याची खिल्ली उडवणारे हे लोकं आहेत. 30 हजार कोटींची कामे नाशिकमध्ये हातात घेतली आहे. नाशिकला बदलून घेण्याची ताकद आमच्या हातात आहे असे देवेंद्र फडणवीस म्हणाले.