ऐन निवडणुकीच्या तोंडावर आता अनेकजण या पक्षातून त्या पक्षात जाताना पाहायला मिळत आहे. यादरम्यान छत्रपती संभाजीनगरचे माजी महापौर रशीद मामू यांनी शिवसेना ठाकरे गटात पक्ष प्रवेश केल्याने मोठा वाद निर्माण झाला आहे. या पक्षप्रवेशावरून आता मुख्यमंत्री देवेंद्र फडणवीस यांनी टीका केलीय.

फडणवीस म्हणाले की, मल अतिशय दु:ख आहे, की हिंदूहृदयसम्राट शिवसेनाप्रमुख बाळासाहेब ठाकरे यांच्या सुपुत्राने अशाप्रकारे मतांचे लांगूलचालन करण्यासाठी अशा त्यांना प्रवेश दिला जात आहे. यावरून त्यांचे चारित्र्य आणि दिशा स्पष्ट होत आहे. त्यांना आता विशिष्ट लोकांचे जोडे चाटायाचे आहेत आणि त्यातून मत मिळवायची आहेत. पण जनता बघत आहे. देशप्रेमी, देशभक्त आणि राष्ट्रवादी लोके हे पाहात आहे त्यामुळे याचे नुकसान त्यांना सहन करावेच लागेल असे मुख्यमंत्री देवेंद्र फडणवीस म्हणाले.