वर्धा : वर्धेच्या पुलगावात रामदास तडस यांच्या प्रचारार्थ देवेंद्र फडणवीस यांची जाहीर सभा पार पडली. यावेळी उपमुख्यमंत्री फडणवीस यांनी राहुल गांधी यांच्यावर निशाणा साधला आहे. आज देशात दोनच पर्याय आहे. एक पर्याय नरेंद्र मोदी आणि त्यांच्या नेतृत्वात महायुती आहे, तर दुसरीकडे राहुल गांधी आहे. त्यांच्या नेतृत्वात 26 पक्षाची खिचडी आहे. राहुल गांधींची जी खिचडी आहे, त्यात डब्बे नाही फक्त इंजिन आहे. त्यात राहुल गांधी, शरद पवार, ममता यांच्यासह सर्व म्हणतात मी इंजिन आहे, असं म्हणत फडणवीसांनी राहुल गांधींवर हल्लाबोल केला आहे.