अजय सोनवणे, साम टीव्ही

दिल्लीहून शिर्डीच्या दिशेने निघालेले विमान हे सोमवारी सायंकाळी 8 वाजेच्या सुमारास शिर्डीमध्ये लँड होणार होते. मात्र खराब हवामानामुळे लँडिंगची परवानगी न मिळाल्याने विमान हवेतच घिरट्या घालत होते. घिरट्या घालत असताना हे विमान नाशिकच्या येवला तालुक्यातील पूर्व भागाच्या हवाय यादीतून अतिशय कमी उंचीवर असल्यामुळे नागरिकांमध्ये भीतीचे वातावरण पसरले होते. आपत्कालीन यंत्रणेला फोन केल्यामुळे पोलीस आणि महसूल प्रशासनाची एकच धावपळ उडाली. येवला प्रांताधिकारी बाबासाहेब गाढवे आणि तालुका संदीप मंडलिक यांनी तात्काळ शिर्डी एटीसी व नाशिक एटीसी यांच्याशी संपर्क करून माहिती घेतली असता सदर विमानाची इमर्जन्सी लँडिंग सुरत विमानतळावर करण्यात आल्यानं विमानातील प्रवाशांसह येवला तालुक्यातील नागरिकांनी सुटकेचा निश्वास सोडला.