मागच्या काही दिवसांपासून मंत्री दीपक केसरकर हे कुठल्याही सभेत आणि राजकीय कार्यक्रमात दिसत नव्हते. याचा कारण म्हणजे ते काही दिवसांपासून आजारी असल्याचे सांगितले जात होते. एका सभेमध्ये माजी मंत्री आमदार दीपक केसरकर यांनी आपण राजकीय निवृत्ती घेणार असल्याची घोषणा केली होती. मात्र, ते वक्तव्य मे गमतीने केले होते असे म्हणत या घोषणेवरून की केसरकर यांनी यूटर्न मारला आहे. आगामी काळात राज्यसभा किंवा विधान परिषदेचे निवडणूक लढवण्याची क्षमता आपली आहे असेही ते म्हणाले.

फडणवीस सरकारमध्ये मंत्रीपदं न मिळाल्याने ते नाराज असल्याचे देखील सांगितले जात होते पण मी नाराज नाही मागील अडीच वर्षे मी मंत्रीपदी होतो त्यात मी खुश आहे. मला काम करण्यासाठी आमदारकी पुरेशी आहे. इतरांनाही संधी मिळायला हवी आता माझ वय वाढत आहे. त्यामुळे आगामी काळात कोणीतरी उठून बाजूला व्हा म्हणण्यापेक्षा आपण आधीच बाजूला झालेल चांगलं अशी प्रतिक्रिया दिली होती.

मात्र आज त्यांनी माध्यमांशी प्रतिक्रिया देताना म्हणाले ते वक्तव्य मी गमतीने केले होते पुढील काळात आमदारकी नाही पण राज्यसभा किंवा विधान परिषदेची निवडणूक लढण्याची आपल्या ताकद आहे. नवीन युवकांना संधी देण्यासाठी मी हा निर्णय घेतला आहे असे म्हणत राजकीय निवृत्तीच्या निर्णयावरून यांनी यू टर्न घेतला आहे. तसेच, आगामी काळात सावंतवाडी मतदारसंघातून नवीन चेहरा देऊ मात्र विधानपरिषद किंवा राज्यसभेच्या माध्यमातून सक्रिय राहू असे त्यांनी स्पष्ट केले.