दहीहंडी उत्सव अवघ्या तीन दिवसांवर आला असतानाच मुंबईत सराव शिबिरांचे आयोजन मोठ्या प्रमाणावर होत असल्याचे पाहायला मिळत आहे आज सकाळपासूनच मुंबईत मुसळधार पाऊस पडत असताना गोविंदांच्या उत्साहात तसूभरही कमी झाली नाही. मुसळधार पाऊस असताना देखील गोविंदांनी थरावर थर रचण्याचे विक्रम केल्याचं आज पाहायला मिळालं. दिंडोशी विधानसभा प्रमुख वैभव भराडकर यांच्या माध्यमातून आयोजित करण्यात आलेल्या सराव शिबिराला अभिनेते प्रसाद ओक निर्माते प्रवीण तरडे यांनी देखील हजेरी लावली होती. कुरार येथे आयोजित करण्यात आलेल्या या सराव शिबिराला मुंबईतील शंभर पेक्षा अधिक गोविंदा पथकांनी हजेरी लावली विशेष म्हणजे मुसळधार पाऊस असताना देखील गोविंदांचा उत्साह वाखाणण्याजोगा होता.