अतिवृष्टीचे संकट राज्यावर असताना आता महाराष्ट्रावर नवीन संकट ओढवणार आहे. याच पार्श्वभूमीवर आपत्ती व्यवस्थापन विभागाने या वादळाच्या संभाव्य परिणामांबाबत जिल्हा स्तरावर अतिदक्षतेचा इशारा दिला आहे.

आपत्ती विभागाने दिलेल्या माहितीनुसार, अरबी समुद्रात तयार होणाऱ्या शक्ती चक्रीवादळाचा फटका मुंबई सह ठाणे, पालघर, रत्नागिरी, रायगड आणि सिंधुदुर्ग या जिल्ह्यांना बसणार असल्याची शक्यता आहे. त्यामुळे मुसळधार पावसासह वेगवान वारे देखील वाहणार असून काही ठिकाणी पूर परिस्थिती निर्माण होण्याची शक्यता हवामान खात्याने वर्तवलेली आहे. त्यामुळे नागरिकांनी काळजी घ्यावी असे आवाहन प्रशासनाने केले आहे.