सांगली जिल्ह्यातील शिराळा तालुक्यातील धामवडे येथील वाहनधारकांना रस्त्यावर मगरीचे दर्शन झाल्याने गावात भीतीचे वातावरण निर्माण झाले आहे. मगरीला प्राणी मित्राने व ग्रामस्थांनी पकडून वनविभागाच्या ताब्यात दिले आहे. परंतु या भागात नदी नाही तरीही मगर आली कुठून? असा प्रश्न येथील नागरिकांना पडला आहे. कोंडाईवाडीचे ग्रामस्थ विश्वास पाटील, सुरेश पाटील, प्रथमेश पाटील हे शिराळाहून शिरसी मार्गे कोंडाजी वाडीकडे येताना त्यांना शिरसी धामवडे या रस्त्यावर बाबासो मस्कर यांच्या घराजवळ ही मगर आढळून आली.

यानंतर त्यांनी ग्रामस्थांना याबाबतची कल्पना दिली. धामवडे व परिसरात गेली अनेक दिवसांपासून मुसळधार पाऊस पडत आहे. रात्री या रस्त्यावरती शुकशुकाट असतो. धामवडे हे गाव डोंगराच्या कपारीत वसलेले गाव आहे. या ठिकाणी नदी नाही. तरीही या भागात मगरीचे दर्शन झाल्याने नागरिकांच्या भीतीचे वातावरण निर्माण झाले आहे.