अजित पवार यांनी आपल्या आमदार आणि पदाधिकाऱ्यांसह सिद्धिविनायक मंदिरात बाप्पाचे दर्शन घेतले. यादरम्यान विधानसभा निवडणुकीमध्ये यश मिळूदे असं साकडं अजित पवार यांनी बाप्पाला घातलं. यावर ठाकरे गटाचे संजय राऊत यांनी सडकून टीका केली आहे. सिद्धिविनायक मंदिरातील बाप्पाला पाप पुण्य समजतं. पुण्य कोण करतय , पाप कोण करतय लांडा लबाड्या करुण कोण माझ्या दारात पुण्य मिळवायला येतय हे सगळ बाप्पाला समजतं. ज्या प्रकारचं पाप अजित पवार आणि एकनाथ शिंदे यांनी केलं आहे अशांना बाप्पा आशिर्वाद देत नाही असा टोला संजय राऊत यांनी लगावला आहे. तर रोहित पवारांनी देखील अजित पवार आणि त्यांच्या दर्शनासाठी गेलेल्या नेत्यांवर निशाणा साधला आहे. मंदिराकडे जात असताना मिडीया सोबत घेऊन जात असतील, आम्ही मंदिरात जातो हे दाखवण्याचा प्रयत्न त्यांच्याकडून केला जात असेल स्वतःवरच विश्वास राहिला नसेल तर देव तरी त्यांच्या पाठिशी कसं उभा राहिल असा खोचक सवाल अजित पवार यांनी लगावला आहे.