वरळी हिट अ‍ॅंड रन प्रकरणी कोर्टाने पोलिसांना झटका दिला आहे. वरळीत एका भरधाव गाडीने दुचाकीवरील महिलेला फरफटत नेल्याची धक्कादायक घटना घडली होती. याप्रकरणातील मुख्य आरोपी मिहीर शहा हा फरार असून पोलीसांकडून त्याचे वडील राजेश शहा यांना अटक करण्यात आली होती. राजेश शहा हे शिंदे गटाचे उपनेते आहेत. परंतु त्यांची अटक कोर्टाने बेकायदेशीर ठरवली आहे. राजेश शहा यानी जामीनासाठी अर्ज केला होता आता त्यांना जामीन देखील मंजुर झाला आहे.

तर चालक राजऋषी बिडावत याला एका दिवसाची पोलीस कोठडी सुनावण्यात आली आहे. तर वरळी हिट अ‍ॅंड रन प्रकरणी आरोपींवर कठोर कारवाई करण्यात येईल अशी माहिती मुख्यमंत्री एकनाथ शिंदे यांनी दिली आहे. आरोपी कितीही मोठा असला तरी त्याला सोडणार नाही असा इशारा एकनाथ शिंदे यांनी दिला आहे. रात्री उशिरा पर्यंत सुरु असणाऱ्या बारवर आणि ड्रंक अ‍ॅंड ड्राइव्ह करणाऱ्यांवर कठोर कारवाई करण्याचे आदेश मुख्यमंत्र्यांनी दिले आहेत.