राष्ट्रवादी अजित पवार गटाचे अहिल्यानगरचे आमदार संग्राम जगताप हे उपमुख्यमंत्री अजित पवारांना भेटण्यासाठी मुंबईमध्ये दाखल झाले आहेत. गेल्या काही दिवसांपासून सातत्याने प्रखर हिंदुत्ववादी विधान करत असल्याने ते चर्चेत आहे. शिव,शाहू, फुले, आंबेडकर यांच्या विचारांनी चालणारा सर्व जाती धर्माला सोबत घेऊन चालणारा आपला पक्ष असल्याचे अजित पवार जाहीर सभांमधून सांगत जरी असले तरी संग्राम जगताप हे त्यांच्या आदेशाला केराची टोपली दाखवत असल्याचे पाहायला मिळत आहे. मात्र अजित पवारांनी कान टोचल्यावर आजच्या बीडच्या हिंदुत्ववादी मोर्चाला न जाता मुंबईला आले आहे. तसेच जगताप हे भाजपमध्ये जाणार असा दावा देखील रोहित पवार यांनी केला होता. त्यांनंतर आज ही भेट होत आहे. या बैठकीत काय चर्चा होते आता हे बघणे महत्वाचे ठरणार आहे.