वादग्रस्त IAS प्रशिक्षणार्थी अधिकारी पूजा खेडकर नॉट रिचेबल असल्याची माहिती समोर येत आहे. पूजा खेडकर यांनी पुणे जिल्हाधिकारी यांच्या विरोधात तक्रार दिली होती. याप्रकरणासंदर्भात चौकशी करण्यासाठी पुणे पोलीसांनी पूजा खेडकर यांना नोटीस पाठवल्या होत्या. परंतु पुणे पोलिसांनी २ वेळा नोटीस देऊन सुद्धा पूजा खेडकर उपस्थितीत राहिल्या नाहीत. पुणे पोलिसांनी त्यांना संपर्क करण्याचा प्रयत्न केला असता संपर्क होऊ शकलेला नाही. दिल्लीत गुन्हा दाखल झाल्याने अटकेच्या भीतीने पूजा खेडकर नॉट रिचेबल असल्याची चर्चा सर्वत्र होत आहे.