सहकारी बॅंक घोटाळा प्रकरणी कॉंग्रेस नेते सुनील केदार यांनी सुप्रीम कोर्टात धाव घेतली होती. परंतु याप्रकरणी सुप्रीम कोर्टाने हस्तक्षेप करण्यास नकार दिला आहे. नागपूर जिल्हा न्यायालयाने 30 सप्टेंबरच्या आत निकाल जाहीर करावा असे निर्देश सुप्रीम कोर्टाने दिले आहेत. यावर आता Adv.सिद्धार्थ शिंदे यांनी प्रतिक्रिया दिली आहे. सुनील केदार यांना 2 वर्षापेक्षा जास्त शिक्षा झाली तर त्यांना निवडणूक लढवता येणार नाही असं सिद्धार्थ शिंदे म्हणाले. सुनील केदार यांच्याकडे कुठलाही पर्याय नसून नागपूर जिल्हा न्यायालयाचा निकाल त्यांच्या बाजूने लागला तरच त्यांना दिलासा मिळेल असंही सिद्धार्थ शिंदे यांनी सांगितलं. सुनील केदार यांचं नशीब आता नागपूर जिल्हा न्यायालयाच्या निकालावर अवलंबून अस्लयाचं ते म्हणाले.