Earthquake In Colombia: लॅटिन अमेरिकन देश कोलंबिया सोमवारी ६.६ रिश्टर स्केलच्या तीव्र भूकंपाने हादरला. भूकंपामुळे अनेक इमारतींचे नुकसान झाले. नागरिकांमध्ये घबराट पसरली आणि मोठ्या संख्येने नागरिक घरांमधून आणि इमारतींमधून बाहेर आले.

भूकंपाचे धक्के इतके तीव्र होते की याचा परिणाम कोलंबियाची राजधानी बोगोटासह अनेक भागांत जाणवला. याशिवाय शेजारील देश व्हेनेझुएला आणि इक्वाडोरपर्यंतही भूकंपाचे धक्के जाणवले. भूकंपानंतर स्थानिक प्रशासन आणि संबंधित यंत्रणा परिस्थितीवर लक्ष ठेवून असून नुकसानीचा अंदाज घेतला जात आहे.