कोल्हापूर : राज्याच्या राजकारणात चर्चांना उधाण आणणारी एक महत्त्वाची घडामोड समोर आली आहे. मुख्यमंत्री देवेंद्र फडणवीस, विधानसभा अध्यक्ष राहुल नार्वेकर आणि शरद पवार गटाचे आमदार जयंत पाटील यांनी मुंबई ते कोल्हापूर असा एकत्रित विमान प्रवास केल्याची माहिती मिळाली आहे. आज मुख्यमंत्री देवेंद्र फडणवीस हे कोल्हापूर आणि सांगली दौऱ्यावर आहेत. या दौऱ्याच्या पार्श्वभूमीवर त्यांनी मुंबईहून कोल्हापूरकडे प्रस्थान केले. याच विमानात विधानसभा अध्यक्ष राहुल नार्वेकर आणि आमदार जयंत पाटील देखील प्रवास करत होते. दरम्यान, आमदार जयंत पाटील हे त्यांच्या इस्लामपूर (ईश्वरपूर) मतदारसंघात जाण्यासाठी निघाले होते. मात्र, सत्ताधारी आणि विरोधी पक्षातील नेत्यांचा एकत्रित विमान प्रवास झाल्यामुळे राजकीय वर्तुळात चर्चांना उधाण आले आहे.

या प्रवासामागे नेमके काय कारण आहे, याबाबत अधिकृत माहिती समोर आलेली नसली तरी या भेटीला राजकीय अर्थ लावले जात आहेत.