मुख्यमंत्री देवेंद्र फडणवीस नाशिकच्या दौऱ्यावर आहेत. याचदरम्यान नाशिक पूर्व विधानसभा मतदारसंघाचे भाजप आमदार राहुल ढिकले यांच्या पत्नीचे निधन झालं. ही माहिती मिळताच मुख्यमंत्र्यांनी नाशिकमधील पुढील सर्व दौरे रद्द केले आहेत. कुंभमेळा बैठक, पुरोहित संघाची बैठक मुख्यमंत्र्यांकडून रद्द करण्यात आली आहे. राहुल ढिकले यांच्या पत्नी आदिती यांनी खासगी रुग्णालयात अखेरचा श्वास घेतला. आदिती यांच्या निधनानंतर ढिकले कुटुंबावर दु:खाचा डोंगर कोसळला आहे. त्यांच्या निधनानंतर मुख्यमंत्री देवेंद्र फडणवीस हे पार्थिवाच्या अंत्यदर्शनासाठी रुग्णालयात जाणार आहेत. अंत्यदर्शनानंतर मुख्यमंत्री देवेंद्र फडणवीस धुळ्याच्या कार्यक्रमाकडे रवाना होतील.