पुण्याला अवकाळी पावसाने झोडपून काढलं. पुण्यात सलग चौथ्या दिवशी जोरदार पाऊस पडत आहे. पुणे शहरासह जिल्ह्यातील अनेक ठिकाणी वादळी वाऱ्यासह मुसळधार पाऊस पडत आहे. हवामान खात्याने पुण्याला पावसाचा येलो अलर्ट दिला आहे. या पावसामुळे पुणेकरांसाची चांगलीच तारांबळ उडाली आहे. गेल्या २ तासांपासून पडणाऱ्या या पावसामुळे पुण्यातील सखल भागात पाणी साचले आहे. तर रस्यांना नदीचे स्वरूप आले आहे.

पुण्यातील उत्तमनगर परिसराला मुसळधार पावसाने झोडपून काढले. या पावसामुळे उत्तमनगर परिसरात अनेक कार आणि रिक्षा पाण्यात बुडाल्या आहेत. पुण्यातील कोंढवा बुद्रुकमधील रस्त्याला मोठं तळ्याचं स्वरूप आले आहे. पाण्यात चारचाकी वाहनं आणि रिक्षा अडकल्या आहेत. या पावसामुळे पुणकेरांची दाणादाण उडाली. पुण्यातील बालगंधर्व रंगमंदिर परिसरात पाणी साचले. तर जंगली महाराज रस्त्याला नदीचे स्वरूप आले आहे. या पावसामुळे पुण्यातील अनेक रस्त्यांवर मोठी वाहतूक कोंडी झाली आहे.