अंबरनाथ शहरातील मातोश्री नगर परिसरात आज मतदानाच्यावेळी तणावाचं वातावरण निर्माण झालं. भाजपकडून शिंदे गटाच्या शिवसेनेवर पैसे वाटप केल्याचा आरोप करण्यात आला होता. या आरोपांनंतर दोन्ही पक्षांचे कार्यकर्ते परिसरात एकत्र आल्याने मोठा राडा झाला होता.

परिस्थिती नियंत्रणात ठेवण्यासाठी आणि कार्यकर्त्यांना पांगवण्यासाठी पोलिसांनी सौम्य लाठीचार्ज केला. यावेळी मोठ्या प्रमाणात पोलीस बंदोबस्त तैनात करण्यात आला होता. पोलिसांच्या तत्पर कारवाईमुळे कोणताही अनुचित प्रकार घडला नाही.

आज राज्यातील उर्वरित नगरपालिकांचे मतदान पार पडत आहे. अनेक ठिकाणी शिंदे गट आणि भाजप हे एकमेकांच्या विरोधात लढत असून अंबरनाथमध्ये निवडणुका जाहीर झाल्यापासूनच या दोन्ही पक्षांच्या कार्यकर्त्यांमध्ये संघर्ष पाहायला मिळत होता.