NEET पेपरफुटी प्रकरणी कॉक्रोच जनता पार्टीच्या नेतृत्वात नवी दिल्लीच्या जंतर-मंतरवर सुरू असलेले तरुणाईचे आंदोलन सुरूच राहणार असल्याचे संकेत मिळत आहेत. आंदोलन मागे घेऊन आपण यावर चर्चा सुरू ठेवू, असा प्रस्ताव केंद्र सरकारतर्फे सीजेपीला देण्यात आल्याचे सूत्रांनी सांगितले. मात्र, केंद्राचा हा प्रस्ताव आंदोलकांनी फेटाळून लावला आहे. पेपरफुटी प्रकरणात सामील असलेल्यांना कठोर शिक्षा होण्यासाठी जलदगती न्यायालयात खटला चालवला जाईल, असा निर्णय घेतल्याची माहिती नरेंद्र मोदींनी एक्सवरील पोस्टद्वारे दिली होती. त्यानंतरही केंद्रानं ठेवलेला चर्चेचा प्रस्ताव सीजेपीने फेटाळून लावल्याचे सूत्रांनी सांगितले.