महाराष्ट्रातील एकेक जागा मिळवण्यासाठी महायुती-महाविकास आघाडीमध्ये काँटे की टक्कर होत आहे. अजित पवारांनी महायुतीबरोबर जाऊन उपमुख्यमंत्री पद मिळवले. त्यामुळे मुख्यमंत्री एकनाथ शिंदे यांच्या सत्तेत वाटेकरी निर्माण झाल्याची चर्चा शिंदेंच्या कार्यकर्त्यांमध्ये होती. लोकसभेमध्ये शिंदे-फडणवीस-पवार हे महायुतीत एकत्र लढले असले तरी अजित पवार यांचे उमेदवार पाडण्यासाठी एकनाथ शिंदे यांच्या यंत्रणेने खास प्रयत्न केल्याचा खळबजनक दावा ठाकरे गटाचे नेते संजय राऊत यांनी आपल्या 'सामाना'तील अग्रलेखात केला आहे.