छत्रपती संभाजीनगर: लोकसभा निवडणुकीत (Lok Sabha Election) छत्रपती संभाजीनगरचे (Chhatrapati Sambhaji Nagar) शिवसेनेचे (Shiv Sena) उमेदवार आणि मंत्री संदिपान भुमरे यांनी दोनच दिवसांत प्रतिज्ञापत्रात बदल केल्याचे पाहायला मिळाले. पहिल्यांदा त्यांनी दाखल केलेल्या प्रतिज्ञापत्रात पत्नीचा व्यवसाय शेती आणि घरकाम दाखवला होता. मात्र, काल दाखल केलेल्या दुसऱ्या अर्जासोबतच्या प्रतिज्ञापत्रात भुमरेंनी त्यांच्या पत्नीचा व्यवसाय शेती आणि मद्यविक्री परवाने असा नमूद केला आहे. दरम्यान, चार वर्षात भुमरेंच्या संपत्तीत चार पट वाढ झाल्याचंही पाहायला मिळालंय.