राज्याचे अन्न व नागरी पुरवठा मंत्री छगन भुजबळ यांनी आज साम टीव्हीच्या ब्लॅक अँड व्हाइट या कार्यक्रमाला मुलाखत देत सविस्तर भाष्य केले. मराठा समाजाला हैदराबाद गॅझेटीयरनुसार कुणबी प्रमाणपत्र देण्याचा अध्यादेश काढल्यानंतर ओबीसीचे नेते छगन भुजबळ यांनी नाराजी व्यक्त करत याच्या विरोधात आम्ही कोर्टात जाणार असल्याचे सांगितले होते. तसेच त्यांनी काल झालेल्या मंत्रीमंडळावर देखील बहिष्कार टाकला होता. मुख्यमंत्री देवेंद्र फडणवीस यांच्या निवासस्थानी महायुतीच्या सर्व नेत्यांसाठी स्नेहभोजनाचा कार्यक्रम आयोजित केला होता, त्यालाही भुजबळ यांनी दांडी मारली होती. यावरच छगन भुजबळ यांनी संवाद साधत त्यांची भूमिका स्पष्ट केली.