छत्रपती संभाजीनगरमध्ये शेतकऱ्यांच्या विहिरीत केमिकल सोडले आहे. एमआयडीसीतल्या एका कंपनीतून हे केमिकल सोडल्याचा आरोप या शेतकऱ्याने केला आहे. पैठण तालुक्यात अनेक शेतकऱ्यांच्या विहीरीत केमिकल आल्यामुळे हे पाणी निकृष्ट दर्जाचे झाले आहे. या पाण्यामुळे शेतीची नापिकी तर झालीच आहे. तसेच हे पाणी पिण्याच्या लायकीचेही नसल्याचे शेतकऱ्यांनी म्हटले आहे. शासन दरबारी याप्रकरणी आपण अनेक तक्रारी केल्या पण सरकारने काहीच कारवाई केली नाही अशी माहिती या शेतकऱ्यांनी दिली आहे. त्यामुळे शेतकऱ्यांना पिण्यासाठी विकत पाणी घ्यावे लागत आहे.