उद्धव ठाकरे यांनी विधानसभा निवडणूक लढवून दाखवावी, असं आव्हान भाजपचे प्रदेशाध्यक्ष चंद्रशेखर बावनकुळे यांनी थेट उद्धव ठाकरे यांना दिलं आहे. 'देवेंद्र फडणवीस यांचं डीपॉझिट जप्त झालंच पाहिजे. आपला निसटता विजय नको, दणदणीत विजय झालाच पाहिजे.' अशी टीका रविवारी उद्धव ठाकरे यांनी केली होती. त्यानंतर आता बावनकुळे यांनी पलटवार केला आहे.

रविवारी नागपूर इथे सभेत बोलताना उद्धव ठाकरे यांनी,'' हे सरकार उलथून टाकायचं आहे. नागपूरमधून फडणवीस यांचं डीपॉझिट जप्त झालंच पाहिजे. आपला विजय निसटता नाही, दणदणीत झाला पाहिजे.'' अशी टीका देवेंद्र फडणवीस यांचं नाव न घेता केली होती. त्यावर सोमवारी भाजप प्रदेशाध्यक्ष चंद्रशेखर बावनकुळे यांनी उद्धव ठाकरे यांना प्रत्युत्तर दिलं आहे. '' देवेंद्र फडणवीस यांचं डीपॉझिट जप्त करण्याची भाषा करणाऱ्या उद्धव ठाकरे यांनी एका विधानसभा निवडणुकीत जिंकून दाखवावं.'' असं म्हणत थेट आव्हान त्यांनी ठाकरे यांना केलं आहे.