चाकण एमआयडीसी परिसरातील वाहतूक कोंडी, रस्त्यांची झालेली चाळण आणि वाढत्या अपघातांमुळे त्रस्त झाल्यानं तेथील कंपन्या दुसरीकडे स्थलांतर करत आहेत. आतापर्यंत तेथून 20 लघुउद्योगांनी कंपन्यांना टाळे ठोकण्याची प्रक्रिया सुरू केली आहे. या परिस्थितीची पाहणी करण्यासाठी राज्याचे उद्योगमंत्री उदय सामंत यांनी चाकण एमआयडीसीचा दौरा केला. मात्र, या पाहणी दौऱ्यादरम्यान एका स्थानिक शेतकऱ्याने उद्योगमंत्र्यांना थेट गाठून आपला संताप व्यक्त केला. रस्त्यांची पाहणी सुरू असताना एक शेतकरी थेट उद्योगमंत्री उदय सामंत यांच्यासमोर आला. कारवाईच्या नावाखाली आमच्यावर दादागिरी केली जात आहे. आमचं हक्काचं घर जातंय ही दादागिरी अशीच सुरू राहिली तर मी थेट आत्महत्या करेल असा थेट इशारा या शेतकऱ्याने दिला.