Indian Railway News: गणपतीसाठी मध्य रेल्वेने गणेश भक्तांना एक गिफ्ट दिलंय. मध्य रेल्वेने यंदाच्या गणपती उत्सवासाठी आतापर्यंत २२२ गणपती विशेष गाड्या जाहीर केल्या आहेत. मध्य रेल्वे आगामी गणपती महोत्सवादरम्यान गणपती भक्तांच्या फायद्यासाठी आतापर्यंत जाहीर केलेल्या २०२ गणपती विशेष गाड्यांव्यतिरिक्त २० गणपती विशेष ट्रेन चालवणार आहे. आतापर्यंत एकूण २२२ गणपती विशेष ट्रेन चालवणार आहे. १) लोकमान्य टिळक टर्मिनस मुंबई-रत्नागिरी द्वि-साप्ताहिक विशेष (८ फेऱ्या) २) पनवेल-रत्नागिरी साप्ताहिक विशेष (४ फेऱ्या) ३) पुणे-रत्नागिरी साप्ताहिक विशेष (४ फेऱ्या) ४) पनवेल-रत्नागिरी साप्ताहिक विशेष (२ फेऱ्या) ५) पुणे-रत्नागिरी साप्ताहिक विशेष (२ फेऱ्या). या सर्व गणपती विशेष गाड्यांची बुकिंग दि. ०७.०८.२०२४ रोजी सर्व संगणकीकृत आरक्षण केंद्रांवर आणि www.irctc.co.in या संकेतस्थळावर विशेष शुल्कावर उघडेल. या विशेष गाड्यांसंदर्भात जर तुम्हाला अधिक माहिती हवी असेल तर तुम्ही www.enquiry.indianrail.gov.in ला भेट द्या किंवा एनटीईएस ॲप डाउनलोड करा.