मध्य रेल्वेची वाहतुक विस्कळीत झाल्याची माहिती समोर येत आहे. वाशिंद आणि कसारा दरम्यान लोकल बंद आहेत. ओव्हरहेड वायरच्या बिघाडामुळे मार्गिका बंद ठेवण्यात आली आहे. थोड्याच अंतरावर ट्रॅकवर झाड पडल्याची देखील घटना घडली आहे. कसारा आणि आसनगाव दरम्यान प्रवास करणाऱ्या प्रवाशांचे प्रचंड हाल होत आहेत. आज रविवार असला तरी या परिसरात लोकलने प्रवास करणाऱ्या प्रवाशांची संख्या जास्त असते त्यामुळे या सगळ्या प्रवाशांना ह्याचा फटका बसला आहे. कोसळणाऱ्या मुसळधार पावसाचा फटका लोकलला बसला आहे.