गेल्या दोन दिवसांपासून सुरू असलेला मेगाब्लॉक आज संपणार आहे. त्यामुळे मध्य रेल्वेच्या प्रवाशांना मोठा दिलासा मिळणार आहे. छत्रपती शिवाजी महाराज टर्मिनसच्या फलाटाच्या विस्तारीकरणासाठी हा मेगाब्लॉक घेतला होता. सलग तीन दिवस मेगाब्लॉकमुळे लोकलच्या अनेक फेऱ्या रद्द करण्यात आल्या होत्या. या मेगाब्लॉकमुळे प्रवाशांचा खोळंबा झाल होता. दादर, कुर्ला, ठाणे, दिवासारख्या स्थानकावर प्रवाशांची मोठी गर्दी झाली होती. आज मेगाब्लॉक संपणार असल्याने प्रवाशांचा हा त्रास कमी होणार आहे. आज दुपारी साडे बाराच्या सुमारास हा ब्लॉक संपणार आहे. बारा वाजेपर्यंत काम पुर्ण करण्याचे आव्हान रेल्वेसमोर आहे.