Nagpur violence Video : औरंगजेबाच्या कबरीवरून राज्यातील वातावरण तापलेय. छत्रपती संभाजीनगरच्या खुलताबाद येथील औरंगजेबाची कबर हटवण्याची मागणी करत सोमवारी राज्यभरात जोरदार आंदोलन (Nagpur violence updates) करण्यात आले. या आंदोलनादरम्यान नागपूरच्या महाल भागात दोन गटात जोरदार राडा झाला. दोन्ही समुदायातील गट घोषणाबाजी करत एकमेकांना भिडले. संतप्त जमावाने दगडफेक केली, याचा व्हिडीओ समोर आला आहे.

नागपूरमधील काही भागात जमावाकडून जोरदार घोषणाबाजी आणि राडा झाला. काही समाजकंटकांनी पोलिसांवर तुफान दगडफेक करत वाहनांची जाळपोळ केली. या दगडफेकीत १५ पोलीस कर्मचाऱ्यांसह अग्निशमन दलाचे जवान जखमी झाले आहेत. जमावाला पांगवण्यासाठी पोलिसांनी लाठीमारासह अश्रूधुराच्या नळकांड्या फोडल्या. सोमवारी रात्री पोलिसांनी कोम्बिंक ऑपरेशन करत ५० जणांना ताब्यात घेतले असून मुख्य सुत्रधारांचा शोध घेतला जातोय.