'कॅप्टन फाइल्स'चा पर्दाफाश झाल्यानंतर भोंदू अशोक खरातचे आणखी काही काळे कारनामे उघड होण्याची शक्यता आहे. महिलांवर अत्याचार करणाऱ्या या स्वयंघोषित भोंदूची २ तासांपासून चौकशी सुरू आहे. नाशिकच्या पोलीस क्लबमध्ये एसआयटी पथकाकडून त्याची कसून चौकशी करण्यात येत आहे.

खरातच्या घरातून लॅपटॉप, मोबाइल आणि महत्वाची कागदपत्रे जप्त केली आहेत. त्यासंदर्भात आता चौकशी करण्यात येत आहे. महिलांवरील लैंगिक अत्याचाराबाबत खरातवर प्रश्नांची सरबत्ती करण्यात येत आहे. आता एसआयटीच्या चौकशीतून धक्कादायक खुलासे होण्याची शक्यता व्यक्त केली जात आहे. खरातने अनेक महिलांचे शोषण केल्याची माहिती असून त्याबाबत सर्व माहिती मिळवण्याचे काम सध्या सुरू आहे. सध्या तीन महिला तक्रार देण्यासाठी पुढे आल्या आहेत, अशी माहिती आहे. आणखी काही महिला पुढे येऊन तक्रार करतील, अशी शक्यता व्यक्त केली जात आहे.