T20 विश्वचषक विजयानंतर India Team चं मुंबईत गुरुवारी जंगी स्वागत करण्यात आलं, India Team ची नरीमन पॉइंट ते वानखेडे स्टेडियम रोड शो काढण्यात आला. यादम्यान रोड शो साठी वापरण्यात आलेली बस ही गुजरातवरुन मागवली होती यावरुन विरोधकाकंडून जोरदार टीका केली जात आहे. खेळाडूंसाठी बस गुजरातवरुन का मागवल्या? असा प्रश्न ठाकरे गटाचे नेते आदित्य ठाकरे यांनी उपस्थित केला आहे. शिंदे सरकारने गुजरात समोर लोटांगण घातलं आहे असा आरोप आदित्य ठाकरे यांनी केला आहे. नाना पटोले यांनी त्यांच्या या आरोपांचं समर्थन केलं आहे. याआधी शरद पवार गटाचे नेते रोहित पवार यांनी गुजरातच्या बस ऐवजी मुंबईतील BEST बस वापराव्यात अशी मागणी केली होती.