नाशिकच्या लासलगाव येथील शिवाजी चौकातील एका नामांकित ज्वेलरी दुकानात चोरीची धक्कादायक घटना घडली आहे. बुरखाधारी महिला आणि तिच्या साथीदाराने हातचलाखीने सुमारे ५ ग्रॅम वजनाची सोन्याची अंगठी बदलून तिच्या जागी नकली अंगठी ठेवत दुकानातून पोबारा केला. या प्रकरणी संबंधित ज्वेलरी दुकान मालकाने लासलगाव पोलीस ठाण्यात तक्रार दाखल केली असून पोलिसांनी घटनास्थळी येऊन पाहणी केली. या घटनेमुळे व्यापारी वर्गामध्ये एकच खळबळ उडाली असून भीतीचे वातावरण निर्माण झाले आहे. सीसीटीव्ही फूटेजच्या आधारे पोलिसांकडून या दोघांचा शोध सुरू असून लासलगाव पोलीस या प्रकरणाचा अधिक तपास करीत आहेत.