बुलढाण्यात भाजपच्या दोन गटात तूफान राडा झाला आहे. दोन दिवसांपूर्वी झालेल्या या राड्याचा व्हिडिओ आता व्हायरल होत आहे. मलकापुर कृषी उत्पन्न बाजार समितीच्या सभापतीपदाच्या निवडणुकीत हा राडा झाला असल्याची माहिती समोर आली आहे.

मलकापूर कृषी उत्पन्न बाजार समितीच्या सभापती निवडणुकीत भाजपच्या दोन गटात दोन दिवसांपूर्वी सभागृहातच तुफान राडा झाला. मलकापूर विधानसभा मतदारसंघाचे भाजपा आ. चैनसुख संचेती यांच्या गटाचे संजय काजळे हे बिनविरोध निवडून आल्यानंतर मलकापूरचे भाजपा नेते शिवा तायडे यांच्या गटाने त्यांच्यावर हल्ला केला. प्रत्युत्तर म्हणून दोन्ही गट सभागृहातच भिडले यावेळी पोलिसांसमक्षच हा राडा झाल्याने परिस्थिती तणावपूर्ण झाली होती. याचा व्हिडिओ आज समाज माध्यमात व्हायरल झाला आहे.