बुलढाणा जिल्ह्यातील खामगाव शहरातील नगरपरिषद शाळेतील मतदान क्रमांक मतदान केंद्र क्रमांक 15 (2) वर मतदानाच्या आदल्या दिवशी दुपारीच निवडणूक कर्मचाऱ्यांनी मतदान यंत्र उघडून तपासत असताना तेथे उमेदवार व काही कार्यकर्ते धडकले. त्यांनी या सर्व प्रकारावर आक्षेप घेतला यावेळी मोठा गोंधळ निर्माण झाला. तात्काळ निवडणूक निर्णय अधिकारी व खामगावचे उपविभागीय अधिकारी या ठिकाणी पाचारण करण्यात आलं, त्यांनी सांगितल्यानुसार निवडणूक कर्मचारी हे बॅलेट व सीपीयू याची तपासणी करत होते. मात्र तरीही उमेदवार आणि कार्यकर्त्यांचा समाधान न झाल्याने या ठिकाणी मोठा गोंधळ उडाला आहे.