नवी मुंबईमधील बेलापूरमध्ये काल एक भिषण इमारत दुर्घटना घडली होती. ही दुर्घटना होतानाचा व्हिडीओ आता Saam TV च्या हाती आला आहे. सेक्टर 19 मध्ये असलेल्या शाहबाज गावामध्ये तीन माळ्यांची बिल्डींग कोसळली. या दुर्घटनेत तिघांचा दुर्देवी मृत्यु झाला होता. या दुर्देवी घटनेचा थरारक व्हिडीओ आता समोर आला आहे. पहाटे 5 वाजल्याच्या सुमारास ही घटना घडली असून या घटनेत काही जण जखमी असल्याचीही माहिती समोर आली होती. या दुर्घटनेनंतर मुख्यमंत्री एकनाथ शिंदे यांनी थेट निती आयोगाच्या बैठकीतून प्रशासनाला मदतीच्या सूचना दिल्या होत्या.