मुंबई महानगरपालिका निवडणुकीसाठी काँग्रेसने प्रकाश आंबेडकर यांच्या वंचित बहुजन आघाडीला एकत्र येण्यासाठी साद घातलीये. समविचारी पक्षांना सोबत घेऊन जाण्याची काँग्रेसची इच्छा आहे. त्यासाठी 'वंचित'सोबत चर्चा सुरू असल्याचं काँग्रेसच्या वतीने सांगण्यात आलंय. प्रकाश आंबेडकर यांची इच्छा असेल तर ही चर्चा लवकरच पूर्णत्वास जाईल, अशी माहिती समोर आलीये. या संदर्भात सोशल मीडियावर पोस्ट करण्यात आली आहे. लोकशाही आणि संविधानाची बांधिलकी मानणाऱ्या पक्षांनी एकत्र यावं, अशी भूमिका काँग्रेसकडून मांडण्यात आली आहे.