मुंबई महानगर पालिका निवडणुकीसाठी शिवसेना ठाकरेसेना सज्ज झाली आहे. ठाकरे गटाकडून उमेदवारांना एबी फॉरमचे वाटप सुरू आहे. मातोश्रीवर रविवारी रात्री उद्धव ठाकरे यांच्या हस्ते उमेदवारांना एबी फॉर्म देण्यात आले असल्याची माहिती सुत्रांनी दिली आहे. आतापर्यंत १०० हून अधिक उमेदवारांना एबी फॉर्म देण्यात आले. उद्धव ठाकरे हे स्वत: उमेदवारांना भेटून आणि त्यांच्यासोबत चर्चा करून एबी फॉर्मचं वाटप करत आहेत. एबी फॉर्म घेण्यासाठी रात्री उशिरापर्यंत मातोश्रीवर उमेदवार आणि त्यांच्या समर्थकांनी मोठी गर्दी केली होती. ठाकरे गटाकडून आज मुंबईसह अन्य महानगरपालिकांमधील उमेदवारांची पहिली यादी जाहीर केली जाण्याची शक्यता वर्तवली जात आहे.