BJP Promotional Song | BMC Elections : मुंबई महापालिका निवडणुकीसाठी भाजपनं मोठ्या उत्साहात तयार केलेलं विशेष प्रचार गीत वादाच्या भोवऱ्यात सापडलं आहे. या गीतामध्ये भगवा या शब्दाचा वापर केल्यानं निवडणूक आयोगाने आचारसंहितेचं उल्लंघन झाल्याचा ठपका ठेवत या गीताला परवानगी नाकारली आहे. आयोगाच्या या निर्णयामुळे भाजपला मोठा धक्का बसला असून, आता प्रचारासाठी नवीन रणनीती आखावी लागणार आहे. (BMC elections BJP campaign controversy)

राज्यात सध्या २९ महापालिकेसाठी निवडणुकीचा धुरळा उडालाय. १५ जानेवारी रोजी राज्यात मतदान पार पडणार आहे. प्रचारासाठी सर्वच पक्षाने कंबर कसली आहे. भाजपने मुंबई महापालिका निवडणुकीत जोरदार प्रचार सुरू केला आहे. मुंबईतील प्रचारासाठी भाजपने खास गीत तयार केले होते. पण आयोगाने त्यांना जोरदार दणका दिलाय. गीतामधील भगवा या शब्दामुळे आयोगाने हे गीत नाकारले आहे. आता भाजपला पुन्हा एकदा नव्याने तयारी करावी लागणार आहे. प्रचारासाठी फक्त आठवड्याचा कालावधी शिल्लक राहिलाय.