महापालिका निवडणुकीत उपऱ्यांना उमेदवारी दिली आणि निष्ठवंतांना डावलल्याने कार्यकर्त्यांचा असंतोष उफाळून आला होता. राज्यभरातील भाजपमध्ये याचे तीव्र पडसाद उमटताना दिसत आहे. अशातच आज नाशिकमध्ये देखील भाजपचे शहर अध्यक्ष सुनील केदार यांना मोठ्या रोषाला सामोरे जावे लागले. दुपारच्या दरम्यान नाशिकरोड येथील पक्षाच्या काही निष्ठावंतांनी घोषणाबाजी करून शहराध्यक्षांना घेराव घालत उमेदवारी का दिली नाही? असा जाब विचारला. त्यामुळे काही काळ तणाव निर्माण झाला होता.

यानंतर भाजप कार्यालयाला कुलूप लावण्यात आले. तसेच पोलिसांचा फौजफाटाही दाखल झाला होता. त्यानंतर याच निष्ठवंतांनी भाजपने उमेदवारीचे गाजर दाखवले म्हणून शहराध्यक्ष सुनील केदार यांना तेथून निघताना गाजर भेट आपला रोष व्यक्त केला.