भाजप आमदार तानाजी मुटकुळे यांची प्रकृती खालावली आहे. नांदेड येथून एअर अॅम्ब्यूलन्सने त्यांना मुंबईत आणण्यात येत आहे. काही दिवसांपूर्वी मुटकुळे यांची अँनजीओग्राफी झाली होती. त्यानंतर त्यांना अचानक श्वास घेण्यासाठी त्रास व्हायला लागल्याने मुंबईला हलवण्यात येत आहे.

भाजपचे हिंगोली विधानसभेचे आमदार तानाजी मुटकुळे यांना श्वास घेण्यास त्रास होत असल्याने तब्बेत खालावली आहे. त्यांची प्रकृती चिंताजनक असल्याने त्यांना नांदेडहून एअर अॅम्ब्यूलन्सने मुंबईला आणण्यात येत आहे. त्यांच्यावर काही दिवसांपूर्वी अँनजीओग्राफी करण्यात आली होती. त्यानंतर आज त्यांची अचानक प्रकृती खालवल्याचं सांगण्यात येत आहे. विधानसभा निवडणुकांसाठी त्यांची तयारी सुरू असून यंदा त्यांच्या मुलाला निवडणुकीच्या मैदानात उतरवण्यासाठी त्यांचे प्रयत्न आहेत. मात्र, आज अचानक त्यांची प्रकृती खालावल्यामुळे त्यांना मुंबईकडे हलविण्यात आला आहे.