भाजपचे उमेदवार आशिष देशमुख यांनी कॉंग्रेसचे नेते सुनील केदार यांना सावनेर सोडण्याचं खुलं आव्हान केलं आहे. आशिष देशमुख यांनी पदाधिकारी आणि कार्यकर्त्यांसमोर हिंदीतून डायलॉगबाजी करत सुनील केदार यांच्यावर निशाण साधला आहे. 'खीर मांगोगे तो दूध भी नही देंगे, जिल्हा छोडो केदार, ये सावनेर भी तुमसे छिन लेंगे'' असं आशिष देशमुख यांनी म्हंटलं आहे.

सावनेरमध्ये सध्या विधानसभा निवडणुकीच्या अनुषंगाने चांगलीच रणधुमाळी तापलेली दिसत आहे. आशिष देशमुख यांचा डायलॉगबाजीचा एक वादग्रस्त व्हिडीओ व्हायरल होत आहे. भाजप उमेदवार आशिष देशमुख यांचं कॉंग्रेस नेते सुनील केदार यांना आव्हान दिलं आहे. ''केदार जिल्हा छोडो सावनेर भी तुमचे छिन लेंगे… जो हात उठेंगे ओ हात काट डालेंगे, या दिवाळीत लंकेचा नाश झालाच पाहिजे'' अशी हिंदीतून डायलॉगबाजी आशिष देशमुख यांनी केली आहे. पदाधिकारी आणि कार्यकर्त्यांशी संवाद साधतानाचा हा व्हिडिओ सध्या व्हायरल होत आहे. व्हिडिओमधून खुलं आव्हान करत आशिष देशमुख सावनेर मतदारसंघाच्या मैदानात उतरलेले बघायला मिळत आहेत.

Edited By Rakhi Rajput