विधानसभेच्या पार्श्वभूमीवर राष्ट्रवादीला महायुतीशी एकसंध ठेवण्यावर केंद्रीय नेतृत्वाचा प्रयत्न असल्याची माहिती समोर आली आहे. महायुतीसोबत अजित पवार यांच्या राष्ट्रवादीचे मनोमिलन करणे भाजप नेतृत्वाचा अजेंडा आहे.

राष्ट्रवादी काँग्रेससोबतचे संबंध, महायुतीत होणारे वाद आणि अजित पवारांच्या भूमिकांच्या पार्श्वभूमीवर भाजपकडून महायुती कायम ठेवण्यासाठी भर दिला जात आहे. त्याच पार्श्वभूमीवर स्थानिक पातळीवरील असलेले अजित पवार यांच्या राष्ट्रवादीसोबटचे वाद टाळा, असे निर्देश भाजपच्या केंद्रीय नेत्यांकडून वारंवार दिले जात आहे. विधानसभेच्या पार्श्वभूमीवर राष्ट्रवादीला महायुतीशी एकसंध ठेवण्यासाठी भाजप सर्वोतपरी प्रयत्न करत असल्याचं दिसून येत आहे. यासंदर्भात उपमुख्यमंत्री देवेंद्र फडणवीस यांनी देखील आपल्या आमदारांना सूचना दिल्या होत्या.